WAT LIEFDE WERKLIK IS…

Ons elkeen het ‘n idee van wat liefde is. Vir elkeen is dit anders. Vir sommige mense is dit ‘n abstrakte gevoel van “iets goed”. Vir ander is dit ‘n emosie met al die trimmings wat daarmee saam gaan: hande vashou, hartjie chocolates en roosblare. Ander weer glo dit bestaan nie regtig nie. Boeke en verhandelings is daaroor geskryf, films en toneelstukke word daaroor gemaak. Daar is ‘n universele idee dat liefde seker die een emosie is wat ons help om met deernis die lewe en haar dinge aan te pak.

Dit maak nie saak wat jy dink, of hoe jy daarna kyk nie, elkeen se definisie van liefde verskil.

Liefde is…

… ‘n werklikheid wanneer jy dit glo.

… nie ‘n stel reëls nie.

… jóú waarheid en jóú realiteit.

… alles of niks. Daar is nie breukdeeltjies liefde nie. Dis alles of niks. ‘n Mens kan nie net ’n bietjie liefhê nie.

… nie net rooi harte en linte nie.

… om te glo in iets wat jy voel en nie altyd kan sien nie.

… die hardste, maar broosste, ding op aarde. Dit weerstaan alles, maar kan uitmekaarval met selfs net ‘n klein bietjie twyfel.

… hoop.

Geen handboek of woordeboek kan jóú definisie van liefde omskryf nie. Waarop dit neerkom is dat elkeen van ons self ons eie definisie bepaal. En dit is OK. Dit is hoe dit behoort te wees.

So, skep jóú definisie van liefde. Leef jóú liefde. Deel jou liefde. Maar meer as alles:

wéét dat liefde gaan oor hoe jy dit ervaar. Die enigste bepaling is dat ware liefde, liefde sonder voorbehoud is.

Die oomblik wanneer ons met oorgawe liefhet en nie meer omgee oor ‘n handboekdefinisie nie, want wat jy ervaar kan nie in woorde omskryf word nie… dít is wat liefde is.

Owen

Deel op
Deel op
Deel op

Lewer Kommentaar