EK HET VAN JOU GEDROOM

“Ek het van jou gedroom.
Nog voor ek jou vlindervoetjies binne-in my kon voel, het ek van jou gedroom.

Ek het gedroom hoe jy sou lyk en oor die mens wie jy sou word.
Sou jy ‘n roosknopmondjie hê? Sou jy hou van verf of speel? Dalk meer van lees?

Waarvoor sou jy bestem wees?
Om gaaf te wees.
Om genadig te wees.
Om liefdevol te wees.
Ek droom dit steeds vir jou.

Ek het gedroom oor waarvan jy sou hou en waarvan nie. Ek het baie sjokolade geëet terwyl ek oor jou gedroom het … Sou jy ook eendag van sjokolade hou?

Ek het gedroom toe ons jou eerste kombersie gekoop het en, op gevoel en in geloof, drie stukkies kleertjies.
Die droom was ‘n blindelingse vertroue dat ons jou binne maande styf in ons arms sal hou.

Ons het van jou naam gedroom.
Wat sou by jou pas?
Is dit te kort of te lank?
Dalk te swaar of dalk nommerpas?

Soos ek gedroom het, het jy ons drome kom waar maak. Droomgewer. Waarmaker.

Deur Sy genade, kon ek vir jou lewe gee.
En vandag droom ek steeds drome oor jou.

-(Opgedra aan Klaradyn en Nina-Maria.)

Deel die artikel

Deel op
Deel op

Lewer Kommentaar

Nuusbriewe